إعلان "زين -- عالم جميل" للاونروا

Successful cooking flops :)

في كل مره ادخل المطبخ فيها عشان اطبخ اكله يديده ابتلش و اخربها

:(

و اخر مره كانت من 3 ايام بس الحمد لله ان ضيوفنا كانوا من الاهل و محد غريب والا سمعتي راحت فيها

:p

... المهم ...

كل ويك اند يكون دوري لطبخ و تحضير سفرة الفطور .. و كنت مقرره اني اتغلب على خوفي من الفشل في المطبخ و اسوي اطباق جديده غير اللي متعودين عليها لكن العيش و الثريد مهمين و اجباري يكونون على السفره

دورت في ايميلاتي القديمه و الرمضانيه الجديده و اخترت اسوي السهل و الخفيف

و كاميرتي -صديقتي المفضله كانت معاي و شاهده على الحدث العظيم

my Canon!

سندويشات الكباب - صنع بيتي 100 بالميه

مقادير العجينه:
3 كاسات طحين
3ملاعق صغيره خميره فوريه
2 ملعقتين كبيرتين سكر
كاس أو اكثر ماء
ملعقه صغيره ملح

مقادير العجينه

الطريقة: نخلط المقادير مع بعض و نعجنها حتى تتجانس و نتركها للتخمير

العجينه جاهزه للتخمير

مقادير الحشو : 

لحم مفروم -بصل مفروم ناعم - ثوم مفروم ناعم - فلفل اخضر - بياض بيضه - بقسماط -كمون -كزبره - قرفه مطحونه – ملح

مقادير الحشو - كباب اللحم

طبعا لأن ما عندنا بقسماط قمت طحنت خبز الرقاق و حطيته .. هههه بدائل طبيعيه

الطريقة:

نخلط المقادير كلها و نشكلها مثل الاصابع و نحطها في الفرن عشان تنضج

الكباب جاهز للشوي في الفرن

في هالفتره العجينه خمرت و انتفخت و جاهزه للخبز

نكورها و نفردها مثل القرص و نحطها على التاوه

العجينه مفروده

على التاوه

قلبناها على الوجه الثاني

بعد ما تنضج نحط قطعة الكباب مع الخضره حسب الرغبه و الصلصه الي تحبونها

حاهزه للف .. يمي يمي

السندويشات جاهزه للتقديم

و طبق الحلو الي سويته كان كيكة الروب اللذيذه

:: المقادير ::

مقادير الكيكه

1- كأس زبادي ( روب )

1- كأس سكر

1- كأس زيت

2- بيض

1- ملعقة فانيليا

1- كأس وربع دقيق + 1- ملعقة كبيرة B.P

5- ملاعق كبيرة حليب مركز

2- م سميد محمص

الحليب المركز و السميد للتزيين .. اما باقي السوائل كلها نخلطها بالخلاط

:: الطريقة ::

* في الخلاط الكهربائي ( خلاط العصير ) نخلط الزبادي والبيض والفانيليا والسكر والزيت

* ثم نضع الخليط في زبديه ( بادية ) ونضيف الدقيق وB.P تدريجيا ونخلط بالمضرب اليدوي في اتجاه واحد.

خلط المقادير

* نصب الخليط في صينية متوسطة وندخلها الفرن

الكيكه مخبوزه و جاهزه

* بعد نضجها مباشرة نسقيها بالحليب النستله

* ثم نرش السميد المحمص ونقطعها على حسب الرغبة وتقدم

بعد التزيين

يمي يمي

 استخدمت قالب بشكل وردة جوري

^.^

...  صحتين ...

Cheers

*_*