ضاع الرد!!!!!
يا خساره ... يا خسارتهم
اكبر قهر لما تكتب و تكتب و تكتب و اخرتها يجيك الرد الآتي:
عفوا هذه الصفحة غير موجودة
زر العودة للخلف ما يفيد ... لأنه يرجع بدون الرد
و زر التحديث يرجع الصفحه نفسها و كأنا "صفعه" علشان تصحصح و تفهم الوضع!! هههههههه
المشكله اني ما اسمع الكلام، دايماً يحصل لي هالشي و احاول اتفاداه بإني اكتب التعليق في الوورد و لما اخلص انسخه و الصقه في مكان الرد، بس من يسمع الكلام؟المهم ... مافي فايده ارجع و اكتب التعليق لأني نسيته .. حلات الشي من اول مره! بعدها يستوي ماصخ و هذا رابط المقال
واللي حاب يعلق فليتفضل مشكوراً ... و تذكروا يمكن تخرب معاكم مثل ما خربت معاي
^_^
4 comments:
هيه والله شي يطفر
جربتها وايد .. وضغطي ارتفع مليون
عادي مع الايام تتعودي
^_^
غصبن عني بتعود
الحين توبه
قبل لا اكتب اي رد على اي موضوع
افتح الوورد و اكتب على راحتي .. احفظه و بعدين انقله لمكان الردود .. و بكذا اضمن ان كلامي و مجهودي ماراح يروح هدر
تحياتي
أي هذي مشكلة أحس بشعورج.
بس الحمد لله إنج تعلمتي و البركة بالأخ مجرد إنسان..
بالنسبة للرابط اللي شفته فهو مقال برأيي من شقين:
الشق الأول جنائي و الثاني قضية تقسيم المناطق على حسب مقاييس معينة..
بالنسبة للشق الأول: الجريمة ممكن تحصل بأي مكان بالعالم و لا علاقة له بالقضية المذكورة.
أما الشق الثاني: برأيي يجب فعلاً أن تخصص أماكن لسكن العائلات و أماكن قريبة من السوق و الشركات و المناطق الصناعية لسكن العمال العزابية حتى لا تفقد الأحياء السكنية ألفتها..
تقبلي تحياتي
حياج عزيزتي خاتون
اساسا ليش هناك شي اسمه "سكن عزابيه"؟ المفروض يسوون لهم مجمعات سكنيه داخل المصانع او المعامل اللي يشتغلون فيها..هذا افضل احل في نظري
الله المستعان
^_^
Post a Comment